“Hikalimti ko, James,” ni Denia pa nga kahilakon. “Dili kita angay sa usa'g-usa.”
“Denia, I need you and I love you.”
Nakugang siya sa gisulti sa ulitawo. Mora’g dili siya makatuo. Misantop sa iyang hunahuna nga giulog-ulogan lang siya niini.
“Mahigugma ka sa usa ka babayeng igat?” Sikmat ni Denia.
“Sorry nga nakasulti ko’g ingon niadto kanimo,” ni James pa. “But I don’t mean what I say. Nasulti ko lang kadto tungod sa sobra nakong pagselos sa kasuod ninyo ni Allan.”
“James...”
Wala makatutol si Denia sa dihang giukoban ni James ang iyang mga ngabil. Mainiton siyang mibalos sa mga halok niini.
“Wa ka na ba masuko nako?” Sukit ni Denia sa dihang milunga si James sa paghalok kaniya.
“Wa man ko masuko nimo,” ni James.
“Nganong di man lagi ka gusto nga akoy mohatod sa imong pagkaon sa imong kuwarto? Nganong kanunay man ko nimong insultuhon?” -- Sumpayan pa