Gula 31
Nakalitan si Rey sa gihimo ni Vonna. Daw nahalansang siya sa iyang gibarogan samtang nagtan-aw ni Vonna nga nagbarog sa iyang atubangan nga wala nay salimbong ang bigot kaayo niining lawas.
“U-unsay buot ipasabot niini, Vonna?” Nagpagoryo-goryo si Rey.
“Imo na ako karong gabhiona, Rey,” tubag ni Vonna.
“U-unsa? P-pero...”
“Wa nay pero-pero, Rey...”
Ug si Vonna na mismo ang mihimo sa initiative. Miduol kini kang Rey ug gihagkan ang iyang ngabil. Kadali rang natandog ang garbo sa pagka-lalaki ni Rey maong gipatolan dayon niya ang babaye.
Nagtinal-opay ang ilang mga dila sa pinadulot nga hinagkanay. Ingon sa nagtigi sila sa pagsupsop sa dugam-is sa kahinam. Mikiat ang mga kamot ni Rey sa pagpanghinol sa sensitibong mga parte sa lawas ni Vonna.
Samtang si Vonna nagpahigayon usab sa pagpanangtang sa tanang gisul-ob ni Rey.
Dihang pareho na silang walay mga sapot, gipahigda ni Rey si Vonna sa humok nga kama. Nagpadayon ang mainiton nilang romansa. Ug dihang nanginit na sila pag-ayo, nahukman ni Rey nga angkonon na sa hingpit ang pagka babaye ni Vonna.
“Aruy!” Nakatuaw si Vonna dihang gisugdan na ni Rey ang pagsulod sa gingharian sa langit niini.
Virgin si Vonna!
Paglabay sa pipila ka daklit, tugob sa kainit na nilang gisaw-an ang lawasnong kalipay hangtod nga nagdungan sila’g sangko sa kinapungkayan sa himaya.
“Nagtuo tingali ka nga cheap kong pagka-babaye, no?” Ni Vonna pa human sa matagbawon nilang kombate sa kama. “Kay gitugyan ko man kanimo ang akong pagka-babaye sa dakong kasayon -- bisan wala gani tay mutual understanding.”
“Nasayop ka, Vonna,” ni Rey pa. “Hangtod karon taas gihapon ang akong respeto sa imong pagka-babaye. Pero naglibog lang ko.”
“Unsay imong nalibgan, Rey?” Gikan ni Vonna.
“Kun nganong imo kining gibuhat,” tubag ni Rey.
“Tungod sa dakong hinungdan, Rey,” ni Vonna pa. -- Sumpayan pa