Antoinette nag-inarte

Daghan ang wala makauyon sa mga tubag ni Antoinette Taus sa iyang guesting sa "Good Times," radio show ni DJ MO niadtong Miyerkules sa hapon tungod kay matud pa puros inarte ug walay klaro ang tubag sa nahisgutan.

Sa 40 Forbidden Questions, 15 lang ang natubag ni Antoinette tungod kay nagdumili na siya dihang gipangautana kun virgin pa ba siya o dili na.

Si Sunshine Dizon ug Kim delos Santos ang gitubag ni Antoinette sa "worst encounter with a celebrity nga pangutana," tungod kay matud pa niya nagbugno sila sa set sa Anna Karenina kaniadto. Dili siya ganahan sa batasan ni Kim.

Si Dingdong Dantes nga iyang kanhi uyab gihatagan niya og perfect 10 sa pangutana kinsa para niya ang 'good kisser," apan ang iyang mensahe alang niini mao nga maghinay-hinay na sa acting ug mo-focus na sa directing.

Gibutyag pa niya nga "craziest" nga iyang nabuhat dihang nahubog siya mao nga iyang giputlan ang iyang buhok.

Kasagaran sa nakabati sa maong interview miingon nga walay ayo ang mga tubag ni Antoinette busa ngayan nga kalimtan na lang niya ang pag-artista. - Ryan Mark