Fearless Forecast Mr. Campus Face 2007

Duha ka gabii na lang ug pagapurong-purongan na ang bulahang lalaki nga angayang tawgon nga Mr. Campus Face-Cebu 2007 diha sa dakong wanang sa MCWD Auditorium. Adunay 26 ka mga tinun-an gikan sa nagkadaiyang tunghaan sa dakbayan nga mag-ilog sa titulo nga hayan maoy maghatud kanila ngadto sa katumanan sa ilang mga damgo nga mamahimong masidlakon nga bitoon sa showbiz o ba kaha sa natad sa commercial ug print modeling sa nasud. Kasagaran kanila mga anaa na sa kolehiyo, dunay ikabuga ang mga dagway, gitas-on ug kanindoton sa lawas. Silang tanan mga batan-on, lab-as ug puno sa kadasig ug determinasyon.

Atol sa pageant night karong Sabado, pilion ang Top 12 ug diha kanila maggikan ang Top 3 nga maoy ipadala sa kaulohan alang sa National Finals karong Hunyo. Kinsa ang tulo ka mga ambongan ug puno sa potensyal nga mga kandidato ang mamahimong pambato sa Sugbu?

Ang Banat Hugyaw sa makausa pa moyagyag sa fearless forecast pinaagi sa pag-ila sa posibling masulod sa Magic 5 base sa mga hulagway nga giduso sa Events and More, ang organizer sa nahisgutang indigay. Among iklaro nga kining tanan mga panagna o pamasin lamang, busa hayan masayop o posibli nga mutukma. Angayang hinumduman nga ang mga indigay nga susama niini, dili gayud matag-an tungod kay dunay mga candidates nga magpa-ukoy-ukoy o magpahinay-hinay samtang nagsingabot pa ang tigi, apan sa mismong big night na, makugang ka nalang kay lahi ang iboga nga performance tungod kay puno kini sa confidence ug kaandam nga dawo sila maoy nanag-iya sa entablado diin bisan gamay nga kahadlok dili nimo maaninaw diha sa ilang mga lihok.

Kahinumduman nga sa milabay nga Miss Mandaue 2006, walo sa 10 ka mga kandidata nga gitagna sa Banat Hugyaw nga maoy maglangkub sa Top 10 ang natinood. Katong tanan basi lang gihapon sa mga hulagway nga gipadala sa organizer. Busa atong saw-an ang atong pagatawgon nga Banat Hugyaw Top 5 Choices. Silang lima dunay ambongan nga mga dagway, nga haom kaayo aron isabong sa commercial modeling.

1. Ryan Pantaleon
20 years old
UC-BSIT-3
5'11, 165 LBS.
Dunay anggulo nga murag si Starstruck Male Ultimate Survivor Mike Tan.

2. Severiano Tejero
18-years old
CNU-BACOM-3
5'8, 140LBS.
Kissable lips, ang tinutokan sexy, susama sa giingon nga makabugto og garter

3. Gregi Alisoso
USJR-BSHRM3
19-years old
5'6, 160 LBS.
Leading man material, ang mga mata puno sa expression. Kinahanglan lang nga mogamay ang tiyan. Show me some abs!

4. Al Christian Lawrence Yu
USJR-BSHRM-2
18-years old
5'8, 135 LBS
May pagka Polo Ravales ang dagway. Boy next door face, cutie and wholesome ang angay nga packaging.

5. John Paco Lamerskotter
USJR-BSHRM-3
20-years old
5'9, 155LBS.
Hunk. Dunay similarity ni AJ Dee. Pwede pang Bench Fever model sa mata pa lang daan Hot!