Good luck Cebu starstruck bets

Hellooo! Mga kabischika! Christmas is in the air na gyud. Lami kaayo ang pamati after ka mag misa de gallo. Ang kabugnawon sa kadlawon ma-feel gyud nimo, apan ang kainit sa sikuwate ug puto maya gyu'y makapapas sa tanang katugnaw, himaya gyud dayon ang feeling human mabusog.

Well, mas glory to heavens and earth pa gyud na kung mututok ta sa Oi! karon kay engrande ang huni sa pasko nga pasundayag namo alang sa among mga kapuso. Sa biritan pa lang daan, mura ka'g ibayaw sa mga tingog sa atong Pop Sensation Showdown Bet ng Bayan finalists; Melecia, Lady Michelle, ug Arcelli, kauban ang World Champion sa biritan, Ms. Rizza Navales.

Sugdan na sad diay karon ang series of call back Pop Sensation Showdown episodes, diin magtigi pagbalik ang mga Defending Bets ng Bayan ug Bets for the Week nato sauna nga wala nakalusot as grand finalists. Kinsa-kinsa kaha ang matagaan og second chance sa ilang pangandoy nga mahimong Pop Sensation? Mao gyud na ang atong atangan.

Makisabay sad sa huni sa Oi! silang Robert Bernadas ug Edison Monternel. Ug ang atong Oi! Barkada; Ash, Daniel, Rosemarie, ug Kaye will take Christmas rhythms to the dance floor. And to top it all, we bring you nothing less than the daughter of Philippine Cinema's "The King," Fernando Poe Jr., si Krystal sa Bakekang, Lovi Poe.

Heart to Heart with "The Princess"

Emotional ang gitubag ni Lovi sa akong pangutana kaniya mahitungod sa iyang bag-ong album, "The Best of My Heart." Matud man gud niya, ang song nga "You're Still Here" nga nahilakip sa maong album, which also happens to be one of here favorites is dedicated to her father. Bisan nipanaw na ang iyang amahan nagpabilin pa kining buhi sa iyang kasingkasing.

Very down to earth ang dalagita, bisan nisulod na siya sa showbiz diin gibantog ang pangalan sa iyang amahan, wala niya kini gipasigarbo alang sa kaugalingong interes. "Gusto ko po talagang maging singer." Istorya pa sa dalaga. Ang iyang pangandoy nga mu-kanta, mu-perform atubangan sa katawhan ang drive niya aron maghimo og kaugalingong pangalan sa showbiz industry away from the shadow of her daddy.

Supak ang iyang inahan sa desisyon niya nga mosulod sa showbiz, apan sa kadugayan, nakuha ni Lovi ang suporta sa iyang mommy. Busy tuod si Lovi karon sa iyang career, but it never became a hindrance for Lovi to continue schooling. Graduating na sa high school si Lovi, klaro gyud nga kugihan sa iyang pagtuon, "Instead po na matulog ako sa set kapag may taping, nag-aaral na lang po ako," ingon pa niini.

And how's Lovi's heart is it beating for Cogie Dominggo? Well, ang tubag sa dalaga: "Close po kami ngayon at we're getting to know each other," dayon pa niyang katawa.

Atangi ang uban pa namong chikahan sa Oi! Tubag Celebrity Edition.

Starstruck Attack

Karung gabii, human sa Mahiwagang Baul, ato nang mahibaw-an kung kang kinsang mga damgo ang inanay na nga matuman kay ang TOP 30 sa Starstruck mahibaw-an na. From Top 80 to Top 40, tulo ka- Bisdak ang ni-excel, kini sila si Hazel Uy from Bohol, Chad Burden gikan sa Holland, ug Cebu's Bestfriend, ka-Oi nato, si Amon.

Kung nakahinumdom mo, na bischika na nato si Mailah Burden, ang igsoon ni Chad Burden. Unfortunately, till Top 80 lang nakasulod si Mailah, she didn't make it to the Top 40. But being a sweet girl that she is, walay bisan unsang kaguol o kasuya si Mailah ngadto sa iyang igsoon nga nakasulod sa second cut of hopefuls. Andam siyang musuporta sa iyang Kuya Chad kay kahibalo siya nga kung ang iyang Kuya usab ang naa sa iyang lugar karon, he would do the same. For that, winner na ka for us Mailah!

Akong gitawagan si Tito Ramon ang papa ni Amon aron kumustahon sad ang kahimtang ni Bestfriend. "Ok man mi diri sa Manila free ang accomodation, tupad lang namo og room si Chad pero dili ko makakuyog sa ilang taping," chika pa ni Tito Ramon. Puspusan ang tapings nila didto karon, from 12nn to 12mn. Usahay pa kuno gani mulapas pa anang mga orasa.

Kung kinsa ang madala nila karong Domingo sa Top 30, didto na sila mag-pasko sa Manila, kay ang sunod nga taktakanay sa December 24 na. Will it be a Merry Christmas eve for our bisdak hopefuls, kung makasulod sila sa Top 30 later tonight? Well, let's just keep our fingers crossed. Whoever gets the spot, sa ilang tulo, ato gyu'ng suportahan. Tabangan nato silang makab-ot ang dugay na nilang pangandoy.