Break up ni Willie ug Liz tinood

Gitino sa mga suod nga higala sa magtiayong Willie ug Liz Revillame nga trulili as in tinood ang taho nga nagbuwag na ang duruha.

Tsika ni Manay Lolit Solis sa PangMasa: "Hindi pa nagsasalita sina Willie at Liz pero kinumpirma ng kanilang close friends na totoo ang tsismis. Kesyo isang buwan na raw na hindi umuuwi si Liz sa bahay nila ni Willie at kung anik-anik na version. Hindi malinaw ang tunay na dahilan ng kanilang paghihiwalay."

Sa maong sitwasyon, nahinumduman ni Manay Lolit ang father ni Liz nga iyang na-meet sa Manila Hotel last year sa dayong kasal nila ni Willie ug Liz, nga matud pa niya, igo lang mipahiyom sa dihang iyang gipanguta kalabot sa relasyon sa iyang anak ug sa TV Host.

Kinsay kadug ni Luis sa Spain?

Dunay sekreto si Luis Manzano,nga karon iyang giyagyag ngadto sa showbiz press. Kini mao nga dili siya makatulog sa laing balay ug gani mopauli gayud siya sa ilang pinuy-anan sa Green Meadows kon tingkatug na.

Iyang gitug-an ngadto sa PangMasa nga sulod sa siyam na katuig nga nanag-iya siya og condo unit, apan dili siya ngadto matulog. Matud pa niya igo lamang siyang moadto sa iyang condo aron motan-aw og tv o ngadto sila mag-standby sa iyang mga friends.

Apan wala mag-problema si Luis niini sa dihang milarga sila ni Toni Gonzaga ngadto sa Barcelona ug Ibiza, Spain alang sa taping sa "Crazy For You.

Kini tungod kay tanan niyang gamit, iyang giseguro og dala, sama sa laptop ug camera, samtang iya gyung gibitbit ang iyang unlan nga maoy iyang gigamit sulod na sa kinse ka tuig.

Pwes feeling niya, naa ra gihapon siya sa ilang balay, tungod kay kauban niya ang iyang paboritong unlan nga maoy iyang gigakos-gakos samtang hinanok siya nga natulog.

Sa laing bahin, gipadayag ni Luis ngadto sa PangMasa nga wala siya'y gipangulitawhan karon, ug pulong pa niya magpaabot ra siya sa babaye nga gitagana sa kahigayon kay siguro siya nga moabot kini sa tukmang panahon.

Matud ni Luis nga priority niya ang iyang career, gawas pa giingnan siya sa iyang mommy nga si Mayor Vilma Santos, nga dili pa siya buot makaapo.

Miingon si Luis nga sukad siya nalakip sa cast sa "Kampanerang Kuba" kaniadto, nakabaton na siya og paghigugma sa iyang career.

Malipayon si Luis sa duha ka soap nga iyang gigama karon- "CFY" nga sugdan na karong Lunes ug mulungtad hangtod sa December 2006. Ihulip usab niini ang Rounin nga ipasalida sa umaabot nga January, 2007.