Arnee Hidalgo mibalik

Six years ago pa diay naminyo si Arnee Hidalgo ngadto sa iyang Filipino-German husband nga si Yancy Shoaf diin duna na silay duha ka mga anak nga sila si Andre Gabriel, 5 at Christian Samuel, 1 year old.

Kini maoy rason nga wala na siya igdungog sa kalibutan sa musika sanglit gipunting niya ang iyang atensyon ngadto sa iyang pamilya.

Apan karon mibalik si Arnee nga nagtangag og bag-o niyang album nga gigama ubos sa Musiclink Record Production, nga giduma sa iyang igsoon nga si Jeffrey Hidalgo.

You've Got It All ang ulohan sa album diin ang carrier single duna nay MTV nga gigama usab ni Jeffrey, sa maong album usab dunay duet si Arnee ug Piolo Pascual samtang iapod-apod kini pinaagi sa Star Records.

Duna usay gitampo nga kanta si Victor Neri nga nag-ulohan og "Does this Mean Goodbye."

Show ni Lady Han magsugod

Magsugod na karong alas onse sa buntag sa GMA-7 ang "Cooking in the Palace" nga makita matag Sabado ug Domingo. Cooking show kini ni Yang Mi Kyung o si Lady Han sa "Jewel in the Palace," nga napalit na sa GMA-Network ang tibuok pasundayag. Ang hosts niini mao sila si Mi Kyung ug Ms. Lee Jong Im diin walo lamang kini ka episodes tanan.

Dungan niini ipakita usab ang mga behind the scenes o ang mga palpak nga eksena sa sikat kaayo nga Jewel in the Palace.

Pagyagyag sa mga tinaguan

Karong gabii, isip kabahin sa month long first anniversary celebration sa Showbiz Stripped, mag-abot ang tanang sakop sa Starstrucck sukad sa unang batch ngadto na sa labing uwahi o third batch.

Duki-dukion sa beteranong kolumnista ug editor sa Philippine Star Entertainment ug maoy host sa programa nga si Ricky Lo, ang Top 20 issues nga naglambigit ug naglimin sa kinabuhi sa inyong giidolo nga young stars sa Kapuso network pinaagi sa Starstruck batches one hangtud na sa three.

Pwes ayaw sipyata ang episode nga giulohan og "Secret Lives Starstruck Batch I, II, and III," diin subli ninyong mamatud-an nga "Showbiz Stripped lang ang may kaya."