Ang kinabuhi ni Yasmien Kurdi isip si Victoria maoy ilang himoong impyerno diin gilauman nga paghimaraotan gyud sila sa mga fans sa Starstruck graduate batch 1 tungod sa ilang ka salbahis dinhi ning maog soap.
Samtang sa tinuod nga kinabuhi giklaro ni Ailyn nga dili siya kontrabida gani nahiubos siya kang Chynna Hortaleza human bali-baliha og kasaba ang iyang inahan sulod sa usa sa mga dressing room sa GMA-7 complex ning bag-o lang.
Gitataw ni Ailyn nga medyo nahiubos siya tungod kay wala hatagi og respeto ang iyang inahan diin dili siya gusto nga bastoson kini tungod kay wala mahitabo nga iya gibuhatan sa ingon ang iyang mommy.
Matud pa ni Ailyn nga miscommunication lang ang hitabo og siguro bad mood si Chynna niadto hinungdan nga kisab-an niini ang iyang inahan atol sa taping sa SOP gigsters. (Ang unang taho mao nga ang inahan ni Ailyn maoy naghilas-hilas og pangasaba kang Chynna gumikan kay naghuot na sila sa dressing room sukad niabot ang naulahi-ed)
Sa maong hitabo giingon walay kalibutan si Ailyn tungod kay duna siya'y rehersal sa ubos ug gani pagsaka niya sa taas paingon sa dressing room nagkasugat pa sila ni Chynna ug mipahiyom pa siya niini apan wala siya panumbalinga.-Brenda D. Batuto