Wa makaabot sa Christmas party

Mi-text si Ricky Davao ug miingon nga moanhi siya aron sa pagpakigkita sa pipila ka mga sakop sa media nga nahimamat na niya kaniadto og miingon pa gyod nga basin og makatambong siya sa Christmas Party sa The Freeman, Philippine Star ug Banat News kay dili siya malimot sa The Freeman kaniadto nga sila si Jackielou Blanco, Ian Veneracion (bata pa si Ian niadtong panahona), nakatambong sila og Anniversary Party sa The Freeman nga gihimo didto sa kanhi St. Gothard. Wa malimot si Ricky sa nahimamat niya kaniadto busa, excited siyang mobalik dinhi, labi na kay may pelikula siyang nag-ulohan og "Nasaan Si Francis?" nga ipasundayag na sa Enero. Apan na-postponed ang iyang biyahe gumikan sa mga kakuliang dili mapugngan og hayan, sa Sinulog na siya makaanhi.