Si Sunshine kinsa maoy celebrity guest sa Gaisano Main ug Gaisano Countrymall anniversary sale niadtong Sabado nitug-an nga swerte na kaayo siya og makatulog siya sa usa ka adlaw og usa ka oras tungod sa ka busy.
Busa inay mag-uyab uyab nga maghatag lang niya og dugang kahasul mas maayo nga gamiton nalang niya ang iyang free time sa pag-relax kauban sa iyang pamilya ug mga higala.
Si Sunshine nalakip sa GMA-7 top rating pantaserye nga "Encantadia" isip ang kontrabida nga si Pirena, apil usab siya sa gag show nga "Bahay Mo ba to" matag Martes ug ning bag-o lang "Now and Forever" presents "Agos" matag hapon sa Kapuso network.
Busy usab siya alang sa shooting sa "Mulawin da movie"- ang entry sa GMA Films alang sa Metro Manila Film Festival karong Disyembre diin ang cast sa Encantadia dunay importante nga role sa nahisgutang pelikula.
Very effective si Sunshine isip Pirena apan giklaro niya nga dako gyud ang kalainan niya sa tinood nga kinabuhi gumikan kay matud pa niya simple, mapahiubsanon, walay arte ug labaw sa tanan maowawon siya.
Eversince alam ko kong anong trabaho ang pinasok ko. Trabaho lang ako ng trabaho but hindi kailangang mag-iba ang pagkatao. Naglalakad pa rin ako sa mall na naka tsinelas. Hindi mo ma-aalis sa akin yon. Sa Ilo-ilo pag nagbabakasyon kami naka short lang ako pag mamasyal walang make-up. And I have keep the same friends hanggang ngayon," pong pa niya.
Suma pa niya nga mokatawa nalang siya sa reaksyon sa mga televiewers gumikan kay kung maglagot sila kang Pirena lahi ang ilang bation sa higayon nga makita siya sa personal.
Matud pa niya nga mosamot ug kalagot ang mga televiewers tungod kay inay awayon siya nila mahimoot naman hinoon sila kang Sunshine tungod sa katabian og ka-alegre sa aktres.
Iyang gipadayag nga dihay higayon nga dunay 16-anyos nga dalaga ang nihilak ug nigakos kaniya tungod sa kalipay nga nakita niya siya sa personal busa dako ang kahimoot ni Sunshine tungod kay pasabot kadto nga duna na siyay lig-on appeal sa publiko.