Boholana lifter migilak uban ang tripleng bulawan
![Boholana lifter migilak uban ang tripleng bulawan](https://media.philstar.com/photos/2024/07/24/lifters_2024-07-24_22-50-14.jpg)
CEBU, Philippines — Ang Boholana lifter nga si Samantha Nicole Podot mipupo og tulo ka gold medals alang sa Central Visayas sa women's weightlifting Under 77kg category sa Private Schools Athletic Association (PRISAA) National Games 2024 didtoi sa Legaspi City, Albay.
Ang 19-anyos nga so Podot mi-alsa og 55 ka kilo sa snatch ug 65 ka kilo sa clean and jerk alang sa kinatibuk-ang 120 ka kilo nga naghatud kaniya og tripleng bulawan.
Si Podot, nga first year BS Medical Technology student sa Holy Name University (HNU) didto sa Tagbilaran City, nagbansay-bansay kauban si Vanessa Sarno, usa sa mga representante sa Pilipinas sa giatngan nga Paris Olympics nga mosikad karon nang Hulyo 26.
Mao kini ang klase sa dalan nga buot pagalakwan sa anak ni PMI Bohol Boxing chief Atty. Floriezyl Echavez Podot sa umaabot.
- Latest