Joey Canoy misakmit sa WBC Asia title

CEBU, Philippines — Si Joey "The Babyface" Canoy sa ZIP/Sanman Boxing milangkat sa korona isip WBA Asia minimumweight champion human midaog pinaagi sa 5th round TKO batok ni Jonathan "Hard Worker" Refugio niadtong Agosto 30 didto sa Polomolok Gym sa South Cotabato.

Kontrolado kaayo ni Canoy ang away gikan sa pagsugod. Iyang gitumba si Refugio sa ikatulong hugna hangtud nga misurender kini human sa ikalimang hugna.

“I’m ready for all the champions in 105. Hopefully, I will get my shot next. Thank you Sanman Boxing,” matud pa ni Canoy, nga miinat sa iyang rekord ngadto sa 22-5-2 nga gidayan-dayanan na karon og 14KOs.

Ang maong pasundayag, nga gipasiugdahan sa Sanman Boxing inabahan ni Polomolok Mayor Bernie Palencia, naglankob og kulbahinam nga mga undercards.

Si kanhi WBC ug WBA interim bantamweight champion Reymart "The Assassin" Gaballo nagmalampuson sa iyang pagbalik diin iyang gipatikangkang si Jenny Boy Boca sud lamang sa usa ka hugna gamit ang makabungog nga left hook.

Sila si Ramil Roda ug Ar-ar Andales parehong mipagtigbabaw pinaagi sa unanimous decision batok nilang Anthony Gilbuela ug Ramel Antatan, si Froilan Saludar mipa-undang ni Reymark Taday sa ikadunang hugna, si Carlo Demecillo mibuntog ni Bryl Bayogos pinaagi sa 5th round technical decision, samtang si Lourinz Biasong midaog pinaagi sa diskwalipikasyon batok ni Ryan Makiputin sa ikaunom nga hugna.