Hopkins swak sa quarters ng WSL

SIARGAO — Sinapawan ni World No. 14 Yolanda Hopkins si World No. 3 Gabriela Bryan papasok sa quarterfinals ng inaugural World Surf League (WSL) Championship Tour Philippines Pro kahapon dito sa Cloud 9 reef break.

Naglista si Hopkins ng combined score na 10.10 mula sa waves worth 5.27 at 4.83 sa Heat 2 ng wo­men’s competition para ta­lunin ang sikat at bigating si Bryan.

Makakatapat ni Hopkins sa quarterfinals si World No. 6 Caitlin Simmers sa event na inihahan­dog ng Philippine Sports Commission (PSC) katuwang sina Surigao del Nor­te Gov. Robert Lyndon Barbers, General Luna Mayor Johnson Sajulga at Vice Mayor Romina Sajulga.

Tumapos si Bryan sa ninth place sa kanyang 7.00 mula sa combined scores na 4.00 at 3.00 pa­ra kumolekta ng 2,000 championship points.

Pasok sa quarterfinals si Simmers matapos talunin ang kababayang si World No. 11 Caroline Marks sa kanilang opening-round encounter.     

Naglista si Simmers ng 15.17 mula sa 9.00 at 6.17.

Ang event ay suporta­do rin ng Philippine Amusement and Gaming Cor­po­ration (PAGCOR), De­partment of Tourism (DOT), Department of Public Works and Highways (DPWH), Tourism Infrastructure and Enterprise Zone Authority (TIEZA) at NEA/SIARELCO.