Altas sinuwag Chiefs para pigilan ang kamalasan
MANILA, Philippines — Nakalsuhan ng University of Perpetual Help System DALTA ang matagal na kamalasan matapos silatin ang Arellano University, 65-58, sa NCAA Season 102 men’s basketball tournament kahapon sa Playtime FilOil EcoOil Centre sa San Juan City.
Nagsalpak ng dalawang krusyal puntos si Leobert Casinillo sa dulo ng fourth quarter para tulungan ang Altas na wakasan ang six-game losing slump at ilista ang 3-7 karta.
Inirehistro ni Casinillo ang 11 points, anim na rebounds at dalawang assists para ipalasap sa Chiefs ang pang-limang talo sa 10 laro.
Naglista ang Altas ng isang 11-point lead, 34-23, sa halftime.
Dumikit ang Chiefs sa payoff period subalit kinapos.
Samantala, sumalo sa three-way tie sa top spot ng Group A ang St. Benilde Blazers matapos nilang sikwatin ang 71-69 panalo kontra Mapua Cardinals.
Kinapitan ng Blazers si Ian Torres para ilista ang 7-3 baraha at samahan sa tuktok ang defending champions San Beda Red Lions at Jose Rizal Heavy Bombers.
Nalasap naman ng Cardinals ang ikaapat na talo sa 10 laro.
- Latest

















