Blazers tinuhog ng Knights para sa ika-2 dikit na panalo
MANILA, Philippines — Kontrolado ng Letran ang laban simula umpisa hanggang sa dulo kaya magaan nilang diniskaril ang College of Saint Benilde, 83-72, sa NCAA Season 102 men’s basketball tournament kahapon sa Playtime FilOil sa San Juan City.
Kinapitan ng Knights si Denzil Walker na nagtala ng 21 points, pitong rebounds, apat na assists at dalawang steals para sikwatin ang back-to-back wins.
Nagtala rin sina Justin Cargo at Aaron Buensalida ng tig-13 points para sa kanilang pamumuno sa Group B tangan ang 6-3 record.
Kumana sina Jhommel Ancheta at SJ Moore ng tig-12 points sa panig ng Blazers na nalsap ang pangatlong talo sa siyam na laro.
Maagang dinomina ng Letran ang St. Benilde para hawakan ang 11-point lead sa first quarter, 24-13, at nanatili sa kanila ang benathe sa halftime, 48-35.
Nagpatuloy ang nagliliyab na opensa ng Knights sa third quarter kaya lumobo sa 67-48 ang kanilang bentahe papasok ng fourth period.
Halos wala ng lakas ang Blazers sa payoff period at tuluyan nang sumuko.
Sa ikalawang laro, lusot ang JRU Heavy Bombers sa Perpetual Altas sa overtime, 72-70.
- Latest
