Kadudahang mga transaksiyon

Dihang nigasto si Bise Presidente Sara Duterte og ?205,007.29 sa usa lang ka panihapon sa Ginza Inakaya sa Tokyo, Japan, niadtong May 2025, tulo ka buwan na siyang na-impeach sa House of Representatives sa Pebrero 5 sa niaging tuig. Ug duha ka buwan sa wala pa ibasura sa Korte Suprema ang unang articles of impeachment batok niya niadtong Hulyo 25, 2025.

Sa ato pa, samtang nagpiyesta sila sa kinamahalan nga sushi, sashimi, ug unagi, nagsaulog sila sa pagyatak ni Chiz “Forthwith” Escudero sa impeachment process.

Dihang nag-shopping si VP Sara sa Mega Don Quijote Unynaya (balor og ?111,109.24); kaduha sa Mega Don Quijote Shibuya (balor og ?62,900.95 ug ?65,877.64) niadtong Disyembre 8, 2025; kaduha sa Nike SM Davao Annex (balor og ?93,750 ug ?205,392) niadtong Disyembre 27, 2025; ug sa Nike Pavilion KL sa Kuala Lumpur (balor og ?256,882.50), mahimong nagsaulog nang daan pila na lang ka adlaw sa wala pa mahimong final ang iyang kadaogan sa Korte Suprema sa Enero 28, 2026.

O mahimo sang mahalon nga mga sapatos ang iyang gipanghatag nga Christmas gifts.

Dihang nag-withdraw si Atty. Mans Carpio og ?41 milyones pinaagi sa duha ka tseke sa BDO ug upat ka tseke sa Philippine National Bank sulod lang sa 72 minutos ug 52 sedundos niadtong Agosto 6, 2024, pila pa lang ka adlaw human sa State of the Nation Address ni Presidente Ferdinand Marcos Jr. nga gi-boykot ni VP Sara human nitawag sa iyang kaugalingon nga “designated survivor.”

Ug sa nagmingaw nila nga nga Maisug rallies sa Metro Manila ug ubang population centers sa nasud nga niawhag sa militar ug kapolisan sa pagbiya sa administrasyon.

Ambot duna bay dinalian nga mga trasanskiyon (yuta ug kabtangan ug mga kompaniya nga gipamalit, mga utang nga gibayran, mga grupo nga gipalihok, o mga protesta nga kinahanglang gastohan).

O nakahukom na nga mas kasaligan ang cash vaults sa daghan nilang kabalayan ug condominium units sa Davao City ug sa kasilinganan nga mga lugar ug sa Metro Manila gikan sa mas istriktong pagbantay sa mga bangko ug sa Anti-Money Laundering Council.

BLURB: “Ambot duna bay dinalian nga mga trasanskiyon o nakahukom na nga mas kasaligan ang cash vaults sa daghan nilang kabalayan ug condominium units sa Davao City.”