Alas aasahan ng Ateneo kontra La Salle
MANILA, Philippines — Muling ibabandera ng Ateneo de Manila University si Kieffer Alas pagharap sa defending champion De La Salle University sa UAAP Season 89 men’s basketball tournament sa Mall of Asia Arena sa Pasay City.
Maliban kay Alas, kakapitan din ng Blue Eagles ang two-game winning streak upang sikwatin ang panalo sa Green Archers at masolo ang liderato.
Magsisimula ang bardagulan ng Ateneo at La Salle ngayong alas-5:30 ng hapon matapos ang labanan ng Adamson University at National University sa alas-2:30 ng hapon.
Kasalukuyang kasalo ng Ateneo sa top spot ang Far Eastern University tangan ang parehong 3-1 baraha.
Sinandalan ng Katipunan-based squad si Alas sa huli nilang laro kung saan tinalo nila ang Bulldogs, 87-76, kung saan ito nagtaga ng 18 points, limang rebounds, apat na assists, tatlong steals at isang block.
“Our team has been working on different type of stuff so I can’t say na there’s pressure naman sa last couple of minutes but I feel like what we’ve been through helped with how we handle pressure in a way,” sabi ni Alas.
Maraming beses nang napapanood ng laban ng Green Archers at Blue Eagles, kaya nasasabik si Ateneo coach Louie Alas na maranasan ang kanyang kauna-unahang rivalry game kontra DLSU mentor Topex Robinson.
“Topex is a great coach. I guess the way we prepare against La Salle and against doon sa previous games namin, we’ll do the the same. Baka mas mag-innovate pa kami because from the sideline,” sabi ni Alas.
- Latest
