Gilas Women binalingan Senegal

MANILA, Philippines — Ibinunton ng Gilas Pilipinas Women ang kanilang galit sa Senegal, 79-75, sa FIBA Women’s Olympic Pre-Qualifying Tournament 2026 kahapon sa Are­na Astros sa Guadalajara, Mexico.

Umiskor sina guards Va­nessa De Jesus at Sophia Dignadice at forward Kacey Dela Rosa ng tig-16 points para sa 1-2 record ng World No. 31 Gilas Wo­men sa Group B.

Nagdagdag si center Jack Animam ng 14 mar­kers, habang may siyam na puntos si Jhazmin Joson.

“Fighting is not enough at this level; your brain has to follow,” ani Canadian head coach Burke Toews. “We’re still waiting for the execution to get better and fewer hiccups in a game.”

Itinayo ng mga Pinay cagers ang isang 11-point lead sa third period bago nakalapit ang No. 22 Sene­gal sa dalawang puntos mula sa jumper ni Ndioma Kane sa huling 2:36 minuto ng fourth quarter.

Ang three-point shot ni Dela Rosa at free throw ni Animam ang tuluyan nang sumelyo sa panalo ng Nationals.

Nagmula ang Gilas Wo­men sa mapait na 58-61 kabiguan sa No. 31 Mexico at sa 38-85 pag­yuko sa No. 7 Canada.

Sunod na lalaro ang Na­tionals sa 20th Asian Games sa Aichi-Nagoya, Ja­pan sa susunod na buwan.

Kasama ng Gilas Wo­men sa Group B ang Japan, Hong Kong at Kazkhstan.

Ang mga Kazakhs ang unang lalabanan ng mga Pinay sa Setyembre 19.