Ang nahitabo didto sa ADZU

Dili pa lang dugay sa akong pagtagik ning maong lindog nahitabo didto sa Ateneo de Zaboanga University ang laing school shooting.

Ang naghimo sa ingon usa ka Grade 7 nga estudyante.  Ang maong tunghaan gidumala sa mga Heswitang mga kaparian.

Anugon ang maong bata kay utokan ra ba unta. Ug anugon pud ang iyang napatay kay may makab-ot pa kini sa umaabot.

Nahimong komon na kining hitaboa. Kinsa ang angayang basulon ning mga hitaboa?

Ginikanan ba? O ang pintas nga online games?

Kining hitaboa nagmatuod lamang nga malisud na kaayo ang seguridad bisan asa.

Kun buot hunahunaon nindot ug respetado ang maong tunghaan.

Dunay mga gwardiya ug Seguro nga dunay mga CCTV Cameras.

Apan nganong nakalusot man ang maong hinagiban sa maong bata?

Tinuod ba nga ang target unta niini mao man ang usa ka LGBT nga magtutudlo?

Daghan sa mga Kabataan karon taas kaayo ang level of awareness ug less kaayo ang tolerance of pain nga mahimong mo resulta diha sa pagdagmal sa kaugalingon ug mahimong modagmal usab sa uban nga moresulta usahay sa kamatayon, pintas nga kamatayon!

Sa atong pag-ampo aron mabatonan ang kaayohan sa kasingkasing ug galamhan gumikan ning maong hitaboa.

Ang maong hitabo nisalamin lamang kun unsay nahitabo ug kahimtang sa atong katilingban.

Dili lang kay sa atong katilingban kondili mismo sa atong tagsa tagsa ka mga kaugalingon.

Dili lang kini mahitungod sa pag-ampo alang sa kalingkawasan sa matag usa kanato kondili unta mabatonan ang matuod nga kalinaw aron dili kita mabilanggo sa trauma ning mga hitaboa sa atong kinabuhi ingon nga katilingban.