QCitizens pinag-iingat sa walang tigil na ulan
MANILA, Philippines — Pinaalalahanan ng Quezon City Local government ang lahat ng QCitizens na maging maingat at handa sa patuloy na pag ulan dulot ng Habagat.
Ayon sa QCLGU, may naitalaga ng mga evacuation sites sa mga piling lugar na bahain o may banta ng landslide para sa ligtas at mabilis na paglikas.
Sa kasalukuyan nasa 6 na pamilya o 19 indibidwal na ang inilikas sa evacuation sites sa QC dahil sa matinding pagbaha.
Ilan sa naturang mga lugar ay unti unti nang nagsa subside ang pagbaha bandang hapon.
Ayon sa QCLGU, kapag may emergency ay maaaring tumawag sa Quezon City Helpline 122 para sa mabilis na responde.
Patuloy na nakaalerto ang mga tauhan ng QC Disaster Risk Reduction Management Department at Department of Public Order and Safety katulong ang mga barangay para tugunan ang anumang emergency sa lungsod.
- Latest
