Doc Yong miyembro na sa 100 marathon club

CEBU, Philippines — Ang Sugbuanong sportsman nga si Dr. Potenciano “Yong” S. Larrazabal III daghan na og nakab-ot sa mabulokon niyang karera sa dagan.

Balik niadtong Abril  2018, si Larrazabal nakadawat og Six Star Finisher Medal gikan sa prestihiyosong Abbott World Marathon Majors tungos sa pagkumpleto niya sa unom sa labing dagko nga mga lumba sa kalibutan sa New York, Berlin, Chicago, London, Tokyo, ug Boston.

Sunod tuid, nahuman niya ang makutas ug pwerting bugnawa nga 2019 Antarctic Ice Marathon aron mamahimong kabahin sa ekslubisong 7 Continents Marathon Club nga gilangkoban og mga elite runners nga nagakakumpleto og marathon sa tanang pito ka kontinente.

Niadtong Pebrero 2020, ang nabantog nga eye surgeon mikulit sa iyang pangan sa bato isip labing unang Pinoy nga nakalampos sa World Marathon Challenge, usa ka malisud nga hagit sa pagdagan og pito ka marathons sa pito ka kontitente sud sa pito ka adlaw.

Ug ning bag-ohay pa lamang, si Larrazabal miangkon og laing makasaysayanong dungod human naabot niya ang ika-100 niyang marathon sa Singlife Cebu International Marathon 2026 niadtong Hulyo 12.

"I chose Cebu so that my family, friends, and classmates can celebrate with me," matud pa sa presidente ug tsirman sa Cebu Doctors’ Group of Hospitals atol sa usa ka espesyal nga kalihukan agi'g selebrasyon sa makakurat niyang kalamposan sa Seda Ayala Center Cebu.

Si Larrazabal mipaambit nga daghan kaayo siya'g naagian nga mga hagit sukad sa una niyang international marathon  didto sa dakbayan sa Pasig City 19 ka tuig na ang milabay.

Apan sa kanunay nagpursige siya.

"Each run has its own challenges but if you're committed and trained enough, you will excel and succeed. You may not be the fastest, you may not be the toughest.But I continue, I never give up," dason pa ni Larrazabal.

Alang kaniya, ang preparasyon maoy yawi sa kalamposan.

"You have to respect the distance, it's 42 kilometers. If you decide to join a race, come ready for it. you should have the right mileage in training, and the right mindset because if you come just with motivation, motivation alone will not let you finish the race safely," padayon pa ni Larrazabal.

Karon nga kabahin na siya sa 100 Marathon Club, wala pa mahuman si Larrazabal gikan niini.

Nangandam siya alang sa laing tahas niya sa kinabuhi uban ang panghinaut nga masemento pa niya og samot ang iyang legasiya pinaagi sa usa ka libro nga giulohan og "There's Always Another Finish Line:Leadership lessons from running 100 marathons". Iya kining ilusad sa dili madugay.

"I may have finished 100 marathons but this is not the finish line because in life this is just the beginning. This is a starting line of discovering new roles, new friends, new opportunities, and new ways to inspire other people," matud pa ni Larrazabal.

"One of my projects that I will be launching soon, five years in the making, I wrote this book, There's Always Another Finish Line (Leadership lessons from running 100 marathons)."

"This journey would not be possible without the support, of course, of God, my family, my friends, my classmates. I hope you continue to support me in the next journey that I will be hopefully joining soon. Thank you everyone and God bless us all!" panapos pa ni Larrazabal.