Meralco bagsak sa Magnolia
MANILA, Philippines — Sumampa sa win column ang Magnolia matapos patumbahin ang Meralco, 112-98, para sa una nilang panalo sa PBA Season kahapon 50 Governors’ Cup sa Smart Araneta Coliseum.
Humakot si import KJ Buffen ng 26 points, 12 rebounds at 5 assists para sa 1-2 kartada ng Hotshots sa Group B, habang iniskor ni Zav Lucero ang 17 sa kanyang 20 markers sa second half.
Nagdagdag si veteran big man Ian Sangalang ng 16 points at may 14 at 13 markers sina Mark Barroca at Jerome Lastimosa, ayon sa pagkakasunod.
“Iyong game plan namin, sinunod lang namin kung ano iyong dapat namin gawin tonight para makuha namin iyong panalo na ito,” ani Sangalang.
Bigo ang Bolts na makakonekta sa kanilang ikatlong dikit na panalo para sa 2-2 baraha.
Kumolekta si balik-import Antonio Hester ng 28 points at 10 boards kasunod ang 12 markers ni CJ Cansino para sa Meralco na naiwanan sa 38-52 sa 5:18 minuto ng second period.
Isinara ng Magnolia ang third quarter bitbit ang 84-77 bentahe.
Sa likod nina Cansino at Aaron Black ay nakadikit ang Bolts sa 88-92 sa pagsisimula ng fourth period bago muling nakalayo ang Hotshots sa 105-92 mula sa three-point shots ni Rome dela Rosa sa huling 3:49 minuto.
Naghamon ang Meralco sa 96-105 sa nalalabing 1:41 minuto ng laro hanggang iskorin ni Lucero ang huling pitong puntos ng Magnolia.
Nag-ambag si Bong Quinto ng 11 points sa panig ng Bolts at may 10 markers si Black.
- Latest
