Eala puntirya Wimbledon quartefinals spot vs Paolini

MANILA, Philippines — Target ni Alex Eala na masikwat ang tiket sa quarterfinals sa pagharap nito kay world No. 17 Jasmine Paolini ng Italy ngayong araw sa Wimbledon Championships na ginaganap sa All England Lawn Tennis and Croquet Club sa London, England.

Wala pang eksaktong oras na inilalagay ang mga organizers subalit naka-schedule na laruin ang Eala-Paolini game ng Lunes.

Hindi ito ang unang paghaharap nina Eala at Paolini.

Hawak ng Pinay netter ang 1-0 bentahe sa kanilang head-to-head kung saan naitarak ni Eala ang 6-1, 7-6 (5) panalo laban kay Paolini sa 1000 Dubai Tennis Championships noong Pebrero sa United Arab Emirates.

“I think she’s a great player. She is a great fighter especially it was not an easy match in Dubai for me. It will not be an easy match here either,” ani Eala.

Subalit ibang usapan na ang Wimbledon na grass court kumpara sa hard court sa Dubai.

“But then again, every match is a different story. So, I’m gonna do my best to prepare for that one and you know, focus all my energy and in trying to improve and do better,” ani Eala.

Nakapasok si Eala sa fourth round matapos gulantangin si reigning champion Iga Swiatek sa pamamagitan ng 7-6, 6-2 desisyon.

Sa kabilang banda, nanaig si Paolini kay Maria Sakkari, 6-1, 6-2, para masiguro ang tiket sa Last 16 round.

Aminado si Paolini na matinding laban ang haharapin nito sa oras na masagupa nito si Eala.

“I know I’m gonna play Eala. I saw a little bit of the last game. I think the game of Eala suits very well to grass. She showed a great level of play in Berlin. I think she’s a very dangerous player here,” ani Paolini.