SUV hulog sa creek, driver na senior citizen sugatan

MANILA, Philippines — Sugatan ang isang senior citizen matapos mahulog sa creek ang minamaneho niyang SUV sa bahagi ng Ara­neta Avenue sa Brgy. Manresa, Quezon City pasado 7 ng gabi  nitong Sabado, Hulyo 4.

Ayon sa mga rumes­pondeng awtoridad, mag-u-u-turn dapat ito, nang napa-angat at nahulog sa creek na walang harang. Nagkamali ng lilikuan ang  driver at hindi napansin  na walang  harang ang  creek.

Kaagad namang nai­labas ng mga awtoridad ang senior citizen na driver na isinugod sa ospital.

Samantala, ayon sa MMDA, positibo sa impluwensya ng alak ang driver ng SUV.