Slogans ni VP Sara

Unsaon pagpugos si Bise Presidente Sara Duterte sa pagtubag sa mga pasangil batok niya? Kabos namong sugyot: Pinaagi sa pagbalikbalik sa mosunod nga slogans:

Kinsa si Mary Grace Piattos? Tug-ani ang katawhan nga nag-antos.

Kon peke ang nakadawat, confidential funds kinsay nagkawat?

Kon si Mary Grace Piattos kolorum, buhis sa katawhan kinsay nag-ugom?

Transparency dili sekreto—mga niburot ibisto!

Ayaw pagtago sa confidentiality—tinuod nakadawat nganli!

Susihon ang mga resibo, kinsay nakadawat sa pundo: Mao nay kuwentadang klaro!

Kinsa si Mary Grace Piattos? Tug-an nga walay nukos-nukos.

Wala nay palusot. Nganlan tanang apil sa kurakot.

Resibo. Dokumento. Mga ngalan nga rehistrado.

Pakahilom makapaduda. Tubaga, klaroha, tingog na.

Kamatuoran dili maapiki, dili mahadlok sa transparency.

Kinsa si Mary Grace Piattos? Nganong ang tubag padayong gigapos?

Nakadawat sa confidential funds puwerteng hanapa, nausik nga kuwarta puwerteng bantanga.

Confidential ang pundo, mga nakadawat inimbento.

Peke nga mga pirma, atong buhis gisurikbot na.

Ipakita si Mary Grace Piattos unsay dagway, aron masusi kon pundo sa publiko wala ba malabay.

Mary Grace Piattos: Alyas nga gipakapinan og insulto?

Kon walay resibo, i-uli ang pundo sa gobyerno.

Confidential? O bugal-bugal?

Peke ang mga ngalan, tinuod ang kaalaotan.

Mary Grace Piattos milyones ang nadawat – VP Sara, may kaayuhan bang nabuhat?

Confidential funds naadto ba sa mga multo o sa bolsa nga pribado?

Milyones pesos ang confidential funds nga nausik – VP Sara, ilha kinsa ang labing nabusdik!

Confidential funds nahurot sa mga chichiriya? Busga mi og kuwentada, VP Sara.

Milyones pesos nga confidential funds dunay nabusog pag-ayo. Samtang gutom ang malnourished nga mga Pilipino.

Mary Grace Piattos ug ubang mga bakak – VP Sara angayng paninglan og pinabundak!

Peke nga mga ngalan, pero tinuod ang mga pangutana – VP Sara, ang katawhang Pilipinhon atubanga!

Confidential funds nahurot tungod lang sa mga chichiriya – VP Sara, giunsa man intawon kana nimo sa pagtimpla?

Ghost recipients ibagsak! VP Sara Duterte, palihug ayaw na og pamakak!

Mary Grace Piattos milyonarya? Mga pobreng Pilipino pasabta.

Peke nga mga gasto para sa peke nga mga alyado – VP Sara, nabutyag na ang imong mga tinonto.

Sekreto nga snacks ni VP Sara: Confidential cash diin man niya gastoha?