Eala excited na makapares si Venus

MANILA, Philippines — Excited na si Alex Eala na makasama si legendary tennis player Venus Williams sa doubles event ng Bad Homburg Open na gaganapin sa Germany.

Para kay Eala, isang malaking karangalan na makapares si Williams sa doubles lalo pa’t marami itong matututunan sa American player dahil malalim ang karanasan nito partikular na sa doubles.

“I’m really excited. Venus Williams is such a trailblazer and continues to do so much and has done so much for the sport,” ani Eala.

May 14 Grand Slam titles si Williams sa doubles karamihan ay kasama ang kapatid nitong si Serena Williams na bumalik sa paglalaro ng tennis sa HSBC Championships sa London, England matapos ang apat na taong pagreretiro.

Kaya naman sabik na si Eala na makapaglaro sa Bad Homburg Open.

“I like to say that women’s tennis has been a trailblazer for women’s sports and she is a big part of why that is,” dagdag ni Eala.

Galing si Eala sa kampanya sa HSBC Championships kung saan nakapasok ito sa second round ng naturang WTA 500 grass tournament.

Subalit nabigo itong makausad sa quarterfinals nang lumasap ito ng 2-6, 2-6 kabiguan sa kamay ng kaibigang si Iva Jovic ng Amerika.

Nauna nang nakasungkit ng grass title si Eala sa Birmingham Open sa Birmingham, England.