Batan-on nakuhaag P.7 milyong shabu

CEBU, Philippines — Usa ka 22-anyos nga gidudahang drug personality ang nadakpan sa buy-bust operation nga gipahigayon sa Regional Police Drug Enforcement Unit 7 (RPDEU7) ug Police Station 2 sa Cebu City Police Office (CCPO) niadtong Huwebes sa gabii, Hunyo 4, 2026, sa Barangay Cogon Ramos, Cebu City.

Giila ang dinakpan nga si alyas “Chukoy” nga residente sa Barangay Lorega-San Miguel nga adunay gibanabanang 110 gramos sa gidudahang shabu nga nagkantidad og P748,000.

Nasakmit usab gikan kaniya ang buy-bust money, usa ka kalibre .38 nga revolver, ug pipila ka mga bala.

Matud pa sa dinakpan nga igo lag siya gisugo sa iyang kaila sa paghatud sa maong shabu didto sa lugar og bayaran siya og  P3,000 .

Misulod siya sa illegal nga kalihokan kay apiki siya sa kwarta.

"Gikan sa akong amigo sa Lorega tungod apiki sa kwarta," sigon ni Chukoy Dugang pa ni Chukoy dako iyang pagmahay nga misulod siya sa illegal.

Sumala sa RPDEU 7, sulod sa usa ka semana nga gimonitor  ang suspek sa wala pa ipahigayon ang operasyon.

Base sa ilang imbestigasyon, gituohang makahalin kini ug kapin 200 gramos nga gidudahang shabu matag semana.

Nasayran usab sa mga awtoridad nga sagad sa iyang ilegal nga kalihokan naa diha sa Lorega ug Ramos, lakip ang mga kasikbit nga barangay.

Kasong paglapas sa Republic Act 9165 o Comprehensive Dangerous Drugs Act of 2002 ug Republic Act 10591 o Comprehensive Firearms and Ammunition Regulation Act.

Samtang kapin P61,000 kantidad sa gituohang shabu ang nasakmit samtang duha ka gituohang drug personalities ang nasakpan sa buy-bust operation sa Barangay Bogo, Argao sa buntag sa Biyernes, Hunyo 5, 2026. Ang operasyon gipahigayon sa Municipal Drug Enforcement Unit (MDEU) sa Argao Municipal Police Station uban sa koordinasyon sa Philippine Drug Enforcement Agency-Central Visayas (PDEA-7).

Nasikop sa mga operatiba ang usa ka 66-anyos nga gituohang drug pusher ug ang iyang 30-anyos nga kauban dihang nahuman na ang gituohang transaksiyon sa ilegal nga droga.—  Shiela Mae Agrabio /IBM BANAT NEWS