Mojdeh, Cabana nagpasiklab sa Palartong Pambansa

MANILA, Philippines — Hindi nagpakabog ang Behrouz Elite Swimming Team (BEST) tankers matapos magpasiklab sina Behrouz Mohammad Madi Mojdeh at Yugo Cabana sa 2026 Palarong Pambansa na ginanap sa Agusan del Sur.

Hataw si Mojdeh ng isang ginto at isang tansong medalya sa secondary boys division upang makatulong sa National Capital Region na masungkit ang ika-19 sunod na overall championship crown.

Kasama si Mojdeh ng NCR quartet na nakasungkit ng gintong medalya sa boys’ 4x100m medley relay habang humirit naman ito ng tanso sa boys’ 100m butterfly. Sa kabila ng panalo, hindi kuntento si Mojdeh sa ipinamalas nito partikular na sa kanyang individual events. “Going into my first individual event, I felt a bit nervous.

I ended up quite disappointed with my time.

I felt like I had a late start off the blocks, and my streamline felt too slow,” ani Mojdeh. Aminado si Mojdeh na may mas ibubuga pa ito lalo pa’t matinding preparasyon ang pinagdaanan nito bago ang Palarong Pambansa. “While I am incredibly happy and grateful to have won my very first Palaro medal, I am honestly not satisfied with my performance in that event..

I felt I could have done better if I was not over thinking too much,” dagdag ni Mojdeh. Kaya naman ibinuhos ni Mojdeh ang lahat upang makatulong sa NCR team sa pagkopo ng ginto sa relay event. “Immediately after that, I swam the relay and clocked a new personal best time in my 100-meter butterfly. This time around, my streamline kicked in better, and I felt much more loose and fluid in the water, unlike the tension I experienced during the 200 meter fly,” ani Mojdeh.

Target ni Mojdeh na rumesbak sa susunod na taon kung saan magsisilbing host ang Quezon City sa naturang multi-sporting event. “This experience makes me want to head straight back to training immediately so I can focus even more on my technique.

My goal is to qualify for more events at Palaro next year,” dagdag ni MOjdeh. Alam ni Mojdeh na hindi madaling magkwalipika sa NCR level pa lamang ngunit handa itong sumalang sa pukpukang ensayo para masigurong makababalik ito sa susunod na edisyon ng Palarong Pambansa. Nagpasalamat si Mojdeh sa mga coaches nito gayundin sa kanyang pamilya na patuloy na sumusuporta sa kanyang mga laban. Sa kabilang banda, nagpasiklab din si Cabana na pambato ng Calabarzon Region matapos humakot ng isang ginto, isang pilak at tatlong tansong medalya.