PRISAA National Games UV Lancers abante sa quarterfinals
CEBU, Philippines — Ang University of the Visayas (UV) Green Lancers nga nagrepresenta sa Central Visayas nagpabiling way pilde uman gilampaso ang Davao Region, 83-71, sa basketball event sa Private Schools Athletic Association (PRISAA) National Games 2024 didto sa Ibalong Centrum for Recreation sa Legaspi City, Albay.
Ang labing uwahing daog sa UV naabot wala pa mag-24 oras human ang two-time Cebu Schools Athletic Foundation, Inc. (CESAFI) defending champion mibugha sa Ilocos Region, 98-77.
Nakasustinir sa ilang kainit batok sa mga Davaoeños, ang Lancers ni coach Gary Cortes wala na molingi pa sukad miposte og 45-35 nga bentaha sa halftime.
Gitiwasan sa Lancers ang mga karibal nila gikan sa Region XI sa ikatulong kuwarter aron paburoton ang ilang labaw mgadto na sa 19 puntos, 73-54, padung sa pinal nga 10 minutos sa aksiyon.
Wala na molingi pa sukad niadto ang Lancers.
Bitbit ang perpektong 3-0 rekordm ang Lancers mi-abante sa quarterfinal round diin ilang sangkaon ang Northern Mindanao-Region X sa alas 10:30 sa buntag karong adlawa (Huybes, Hulyo 25).
- Latest
