Pagpahuwam og kwarta

Dear Atty. Divine,

Aduna koy pangutana labot sa pagpahuwam og kwarta. Ang akong mga ginikanan walay lending business apan tigpahuwam sila og kwarta sa ilang mga higala. Ang uban adunay property nga himoong collateral pagseguro nga sila mabayran, apan adunay ubang borrower nga wa gyuy collateral kay way property. Unsa may buhaton sa akong mga ginikanan aron pagseguro nga mabayran sila sa mga nangutang kanila nga way collateral? Daghang salamat. —Bernie

Dear Bernie,

Aron pagseguro nga mabayran ang imong mga ginikanan sa mga tawo nga nangutang kanila nga way collateral, kinahanglan nga before nila i-release ang kwarta, ila gyud kining papirmahon og kasabutan or loan agreement. Ang maong loan agreement maglatid kon pilay gihuwam nga kwarta, kanus-a bayran og kon installment ang pagbayad, pilay ilang bayran matag buwan. Kun mo-charge og interest ang imong mga ginikanan, kinahanglan nga ilakip sab kini nila sa terms and conditions kon pilay interest. Basi sa Article 1956 sa atong Civil Code, kini nagkanayon nga way interest nga dapat kolektahon ang lender kon wa kini nalatid pinirmahan nga kasabutan. Ug kon ugaling mapakyas sa pagbayad ang nangutang, adunay basis ang imong mga ginikanan sa paggukod kanila pinaagi sa pagdangop sa korte tungod kay aduna may dokumento nga gikuptan ang imong mga ginikanan pagmatuod sa maong utang . Thank you and God Bless. Atty. Divine

* * *

Alang sa inyong pangutana, palihug lang sap ag-email da [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.