Garbage country?

Mao na ba kini karon ang tag or label and identity sa atong nasud, as against Singapore nga garbage-free?

Sa Parañaque alone, ang Metropolitan Manila Development Authority (MMDA), nakakolekta ug dul-an 750 metric tons of garbage and debris, along sa waterways, atbang sa simbahan sa Baclaran. Ang maong gidaghanon sa basura is equivalent to 203 truckloads of garbage. 

Sa akong giingon, sa portion lamang kini sa Parañaque. Unsa kaha sa tibuok Metro Manila, pila kaha ka million tons of waste masimhotan daily sa mga lumolopyo niini?

Si City Mayor Edwin Olivarez sa Parañaque namahayag nga ang bul-og sa basura wala magagikan sa siyudad, nisulod sa channel gikan sa Manila Bay, “after the trash flap was destroyed at the height of the monsoon rains combined with a high tide over the weekend.”

Mao na, ang culprit sa pagbaha’ mao ang basura. Leksyon kini kanatong mga Pinoy. Sa ato pa, disiplina ang kailangan. Balik na sad kita sa atong giingon nga ang Singapore is clean, green, ug labaw sa tanan, disciplined. Dili nato kapasanginlan outright ang gobiyerno.

Mao usab dinhi sa ato, hangtud nga dili kita mo-cooperate with the efforts of city hall, dili gayud nato masulbad ang suliran sa basura.

Sa kaulohan, adunay team sa mga empleyado nga gi-mobilized ug nag-stanby nga mo-clear sa mga clogged inlets and waterways. Ato usab kining himoon dinhi sa ato, sa mga areas ng sagad mahitabo ang clogging, sama diha sa dalan Colon.

Once again, ania na usab ang Singapore, sumala sa google: “Singapore tackled its severe garbage crisis through a massive infrastructure shift, utilizing high-efficiency waste-to-energy incineration plants that reduce trash volume by 90%. The resulting ash and non-incinerable waste are safely transported to the offshore Semakau Landfill. The nation now focuses on a ‘Zero Waste’ circular economy framework.”

Note: high efficiency waste-to-energy incinerator plants. Dili maka-afford ang Pilipinas niini? Di ba, daghan man kita’g kwarta?

* * *

Sa laing bahin, sa atong pagsulat niini, wala pay tubag ang pangutana kon iuswag o ipadayon ba ang eleksyion sa Barangay ug sa Sangguniang Kabataan nga gi-schedule on November 2. Ang Comelec niawhag sa Kongreso to decide on it, by the end of September, paghatag kanila’g igong panahon pagpangandam, sama sa pag-file sa mga certificates of candidacy.  

Matud ni Comelec Chairman George Garcia, lisud alang kanila ang pag-abot sa September 28 nga filing sa certificates of candidacy, kon walay katinuan kon madayon, o dili ba ang Barangay ug Sangguniang Kabataan elections (BSKE). 

Matud dinhi, “The Comelec has already spent about P8 billion out of its P19-billion budget for the BSKE, ug na-concern si Garcia, nga mausik ang nagasto, kon iuswag ang eleksiyon, kay ang ubang mga election materials dili na man magamit sama sa voter information nga nagkinahanglan og updating. 

Ang pag-reset sa BSKE, makadugang sa galastuan, gumikan sa nagpadayon nga pagsaka sa prisyo sa mga election needs. Among others, gikinahanglan ang mga bag-ong ballpens ug indelible ink; ug kinahanglan nga usbawan usab ang honoraria sa mga magtutudlo, diin about one million kanila ang i-deploy during the elections.

Akong tan-aw dili maayong iuswag ang BSKE.