Disciples, Batang Mandirigma gikoronahang mga kampiyon
CEBU, Philippines — Ang Disciples ug Batang Mandirigma miangkon sa dungog isip labing unang mga kampiyon sa Hoop Kids Basketball League niadtong Dominggo, Septiembre 1, didto sa Cebu Port Authority (CPA) Gym.
Ang Disciples milupig sa pambato sa Professional Youth Fellowship Basketball Advocacy (PYFBA) nga San Jose Blazers, 52-40, aron samkiton ang korona sa Under 16 division.
Si Jezzrael Devocion mikadlit og 10 puntos, samtang sila si Kent Tuyco, YlJhul Stan Beltran ug Shawn Faciol nagkumbinar og 21 puntos alang sa Disciples, nga milusad og nagkayong 14-5 rally sa ikaduhang kuwarter aron pagposte og 21-9 nga bentaha sa halftime.
Nakasustinir ang Disciples sa ilan g kainit aron inaton ang ilang labaw ngadto sa 18 puntos, 39-21, sa pinal nga singko minutos.
Sa sayo pa, ang Batang Mandirigma mipakaging sa A1, 46-36, aron langkaton ang Under 13 title.
Si Rain Lleve mipabuto og 16 puntos samtang sila si Wayne Fajardo ug Nico Eballe nagkumboya'g 15 puntos alang sa Batang Mandirigma, nga nagmangtas sa ikatulong kuwarter aron patikangkangon ang A1.
Abante lamang og kuwatro puntos, 16-12, human sa first half, ang Batang Mandirigma mitagak og 16-6 nga bomba aron kontrolahon ang duwa sa hingpit uban ang 32-18 nga labaw.
- Latest
