Eala pumarada sa Chanel fashion show
MANILA, Philippines — Muling nangningning si Asian Games bronze medalist Alex Eala sa Paris Fashion Week matapos maimbitahan ng isang kilalang fashion brand.
Una nang nasilayan si Eala sa New York Fashion Week bago ito tumulak sa Singapore Open.
Sa pagkakataong ito, nasilayan naman si Eala sa Chanel Spring/Summer Season 27 sa Grand Palais exhibition space sa France.
Nanood si Eala ng fashion show ng mga gawa ni Matthieu Blazy na tunay na hinangaan ng mga fashionista dahil sa ganda ng mga creations nito.
“I’m in awe; this is my very first show in Paris, my very first with Chanel. I don’t think that there could be a better first show,” ani Eala sa panayam ng Harper’s Bazaar Singapore.
Dahil nalilinya na sa fashion, bukas si Eala na magkaroon din ng sariling fashion look sa tuwing lalaban nito sa mga susunod na WTA tournaments.
Ginagawa ito ng ilang kilalang tennis stars gaya ni Naomi Osaka na agaw eksena sa tuwing lalabas ito ng court sa mga Grand Slam events.
Nagawa na rin ito ng ilan pang Grand Slam winners sa nakalipas na panahon gaya nina Hall of Famer Serena Williams at Mari Sharapova.
“I would definitely. I would if given the opportunity. I would love to wear that look on court,” ani Eala.
Ilan sa mga napansin ni Eala ang suot ni supermo del Anok Yai na isang itim na galaxy gown.
Tinanong din si Eala na ikumpara ang kaniyang unang karanasan sa Paris Fashion Week at sa Roland Garros.
“Almost impossible comparison, but I do have to say Roland Garros. You know, tennis is my first love,” ani Eala.
- Latest
