Mukhang siga-siga

Dear Dr. Love,

Isa munang mainit na pagbati sa iyo at sa milyon mong tagasubaybay. Tawagin mo na lang akong Boogey, 28-anyos at binata pa.

Siguro dahil sa hitsura ko ay napagkakamalan akong siga-siga, pero sa katotohanan ako ay isa sa mga pinakamabait sa aming community.

Aktibo nga ako sa aming homeowners lalo na kung meron kaming operation linis.

Ako ay nagtatrabaho sa isang customs broke­rage at minsan lang ako nagkaroon ng kasintahan pero nagpakasal sa iba.

May nililigawan ako ngayon pero mukhang mailap at natatakot sa akin. Tawagin mo na lang siyang Zeny. Hindi naman ako pangit pero sabi ng mga kaibigan ko, puwede akong kontrabida sa pelikula gaya nina Max Alvarado at Bomber Moran. Siguro raw ay natatakot ang aking nililigawan sa anyo ko.

Ano kaya ang gagawin ko para patunayan sa kanya na mabuti akong tao? Sana sa pamamagitan nang ilalathala mong column tungkol sa akin ay mapalambot ko ang kanyang puso at maniwala siyang ako’y mabait at tunay na nagmamahal sa kanya.

Boogey

Dear Boogey,

Kung mayroon kayong common friend ni Zeny, puwede mo sigurong pakiusapan na magsilbing “guarantor” sa kanya na ikaw ay mabuting tao.

Kasabay niyan ay gawin mo ang makalumang ginagawa ng mga nanunuyo tulad ng pagpapa­dala ng mga flowers o ano mang bagay na ka­lulugdan ng babae.

Kaibiganin mo muna siya at kapag nagkapalagayan na kayo ng loob, doon mo na lang gawin ang panliligaw. Siyempre may pagdududa siya sa pagkatao mo kaya lubos mo munang ipakilala ang iyong sarili sa kanya.

Dr. Love