PANOORIN: 'Maymay', posibleng humina ngayong gabi

MANILA, Philippines — Patuloy nang humihina ang Tropical Depression Maymay habang nasa Philippine Sea, ayon sa PAGASA.

Posible umanong maging low-pressure area ang Maymay ngayong gabi o madaling araw ng Biyernes, Agosto 7.

Sa kabila nito, magpapatuloy pa rin ang pag-ulan at malalakas na bugso ng hangin sa ilang bahagi ng bansa dahil sa epekto ng bagyo at ng southwest monsoon o habagat.

Pinapayuhan ang publiko na patuloy na subaybayan ang mga weather advisory at mag-ingat sa posibleng pagbaha at pagguho ng lupa.