PANOORIN: DOJ nilinaw: Leviste, hindi pa pugante
MANILA, Philippines — Nilinaw ng Department of Justice (DOJ) na hindi pa maituturing na "fugitive from justice" si Batangas 1st District Rep. Leandro Leviste, taliwas sa naunang pahayag ng National Bureau of Investigation.
"As of now, not yet. There's a process that needs to be followed before we can declare him a fugitive from justice," ani DOJ Senior Deputy State Prosecutor Herbert Calvin Abugan sa press briefing ngayong Huwebes, Oktubre 8.
Dagdag ni Abugan, bibigyan ng korte si Leviste ng pagkakataon para humarap sa nakatakdang pagdinig.
"Until then, we will see the next steps that we can do," aniya.
Nauna nang sinabi ni NBI Director Melvin Matibag na itinuturing si Leviste na pugante kasunod ng paglabas ng warrant of arrest ng Makati Regional Trial Court Branch 235 laban sa kanya kaugnay ng umano'y paglabag sa Public Service Act.
"Considered na you're a fugitive from justice kasi hinahanap ka ng korte; may warrant of arrest na binigay sa'yo," ani Matibag nitong Miyerkules, Oktubre 7.
Parehong nasa France sina Leviste at ang kanyang ina na si Sen. Loren Legarda, kung saan naka-medical leave si Legarda dahil sa sakit sa baga, ayon sa abogadong si Tony La Viña.
- Latest
















