‘Mary Grace Piattos’ inaabangan kung ilalabas sa impeachment
MANILA, Philippines — Inaabangan na ng mga Pilipino ang kontrobersiyal na si Mary Grace Piattos kaugnay ng papalapit na Senate impeachment trial ni Vice Pres. Sara Duterte.
Ayon kay House prosecution panel spokesman at Lanao del Sur Rep. Zia Alonto Adiong, dapat maprisinta ng defense team ni VP Sara si Mary Grace Piattos na isa sa mga pangalan na isinumite ni Duterte sa Commission on Audit (COA) bilang recipient ng kanyang confidential funds.
Inihayag ni Adiong na kung may ilalabas ang defense panel na Mary Grace Piattos ay dapat tumugma ang pirma nito sa isinumiteng acknowledgment receipt ni Duterte sa COA.
“Sa House prosecution team, handa naman i-submit kasi ‘yan ‘yung markings of evidence, pati na rin ‘yung pag-submit ng magiging potential na mga witnesses,” paliwanag ni Adiong.
Maaari aniyang magsagawa ang impeachment court ng test signature at kumuha ng mga supporting document para mapatunayang totoong tao ito at bakit ito tumanggap ng naturang pondo.
- Latest
