Milabni sa bag sa mahuyang nadakpan

CEBU, Philippines - Nasikop sa mga gwardya sa IT park ang usa ka lalaki nga milabni sa bag sa mahuyang nga gikasabot niya nga makighilawas pasado alas 11:30 sa miaging gabii.

Ang suspetsado nga si Jack (tinuod nga ngalan gipugngan) nga nahinabi sa Banat News miingon nga nagkasabot silang duha si John (dili tinuod nga ngalan) nga manghilawas bugti sa P100.

Apan sa tantong sabot-sabot sa duha miingon si Jack nga  siya  na man  hinuoy  pagamiton  sa mahuyang, imbis  siya  maoy  gamiton.

Hinuon  wala  gyud  madayon  ang  pagtigi  nila  sa lawasnong  kahinam kay sa pag-abot sa duha sa IT Park gilabni  man sa lalaki ang bag  sa mahuyang. Misiyagit  ang  mahuyang  kay  didto  sa sulod  sa maong  bag  ang  iyang  cell phone ug kuwarta.

Matud pa  ni  Jack  nga  gilabni  niya  ang  bag  kay  wala siya  bayri  sa mahuyang, apan  abtik  kaayong  gipanghimakak sa  mahuyang  kay  wala  may  nahitabo  nga  pakighilawas  nilang  duha.

Miingon  ang  mahuyang  nga  iyang  gigukod  si  Jack  kinsa  mitukmod  kaniya  human  malabni  ang  iyang  bag.

Maayo na lang  kay  gipaangkas  siya  sa motorsiklo  sa  security  guard  sa IT Park  ug  ilang naapsan  ang  suspek.

Hinuon  nagkasabot  sila  atubangan  sa polis  nga  dili na lang  ikiha  sa mahuyang  ang  suspek  kay  amigo  niya  ang  maguwang  niini.  (BANAT NEWS)