Ang Online cage clinic gipangulohan ni kanhi PBA player Mark Anthony Tallo, kaduha kahigayon nasakop sa nasudnong koponan. Si Tallo nakaapil sab og lain-laing seminars didto sa Paris, France ug Singapore ubos sa panabang sa legendary nga si Tex Winter, ang assistant ni Los Angeles Lakers coach Phil Jackson.
Matud pa ni Tallo nga ang training camp buksan sa ala - 1:30 sa hapon sa Abril 9 diha sa Minglanilla Sports Center.
Matud pa ni Tallo nga human sa training camp, mohagpat siya og mga potential hoopsters gikan sa Minglanilla nga mo-compete sa torneyo batok sa promising campers gikan sa Tagbilaran, Butuan ug Cebu City.
Ang torneyo sugdan karong Mayo atol sa Advance Level sa training camp.
Sa laing bahin, ang Cebu City Online training camp sugdan karong Domingo diha sa San Roque Gym atubangan sa Cebu Metropolitan Cathedral.
Ang registration fee nagkantidad lang og P1,000 libre na niini ang basketball ug training uniform.
Alang sa dugang kasayoran, tawag lang sa (032) 238-2156 or 0917-7409873.