Sara bilyonarya?

Atubangan sa pagsupak sa kampo ni Bise Presidente Sara Duterte, pagduda sa kaligdong ni Senate Impeachment Court Presiding Officer Chiz Escudero ug human sa pila ka adlaw nga kalangay, naka-testify na g’yud si Atty. Ronel Buenaventura sa Anti-Money Laundering Council (AMLC). Pinaagi niya, nakabuylo ang prosekusyon sa pagpresentar sa mosunod:

•         ?4.4 bilyones ang mga transaksiyon nilang VP Sara ug sa iyang bana nga si Atty. Mans Carpio sukad sa 2007 hangtod sa 2025 (mas gamay kay sa ?6.77 bilyones nga gi-report sa AMLC ngadto sa House Justice Committee niadtong Abril tungod sa correction sa Bank of the Philippine Islands);

-o0o-

•         ?1.6 bilyones ang nisulod, ?1.3 bilyones ang nigawas sa ilang accounts, ug ?1.4 bilyones ang dili pa maseguro kon nisulod o nigawas ba (pero walay cash nga gideklarar si VP Sara sa iyang Statements of Assets, Liabilities, and Net worth sugod sa 2019 hangtod sa 2025);

•         ?41 milyones ang cash withdrawals ni Carpio sa usa lang ka adlaw, Agosto 6, 2024 (?23 milyones sa BDO ug ?18 milyones sa PNB);

•         Mga tseke ni Samuel Kang Uy (nga gipasanginlan ni kanhi senador Sonny Trillanes nga drug lord) sa 2011 ug 2012 gibutang sa ngalan ni VP Sara balor og ?14,881,692.14;

-o0o-

•         61 ka transaksiyon ni VP Sara ug 70 ka transaksiyon ni Carpio gidudahan nga gikan sa graft and corrupt practices, malversation of public funds, ilegal nga drugas, o flood control scam;

•         ?319 milyones gikan sa mga kompaniya sa China nga nadawat sa Cale88 Foods Corp. ni Carpio, tulo sa mga transaksyon gi-report sa bangko nga suspicious;

•         ?4.5 bilyones sa 15 nila ka korporasyon sukad sa 2022 hangtod sa 2025;

-o0o-

•         Mga numero sa ibabaw wala imbentoha sa prosekusyon kon dili gikan mismo sa mga bangko ug insurance companies nga gisaligan ni VP Sara nga nadawat sa AMLC ug gisumiter sa impeachment court niadtong Hulyo 30, 2026; ug

•         Gi-report sa bangko ug insurers ang mga transaksiyon dili aron pag-apiki ni VP Sara kon dili aron pagtuman sa balaod nga nagsugo nga ipahibawo sa AMLC ang dagko ug kadudahang mga transaksiyon aron pagtabang sa kalibotanong kampanya batok sa money laundering.