Alas Men sasagupa sa South Korea
MANILA, Philippines — Bubuksan ng Alas Pilipinas Men ang kanilang kampanya sa 20th Asian Games men’s indoor volleyball competition sa pagsagupa sa South Korea sa Park Arena Komaki sa Aich, Japan.
Lalabanan ng mga Pinoy spikers ang mga Koreans sa Pool D ngayong alas-12 ng tanghali.
Babandera para sa Alas Men ni Italian coach Angiolino Frigoni sina outside hitters Bryan Bagunas, Marck Espejo, Jude Garcia at Michaelo Buddin kasama sina opposite spikers Leo Ordiales at Lirick Mendoza.
Sasalang din sa aksyon sina middle blockers Josh Magalaman, Peng Taguibolos at Lloyd Josafat, setters Joshua Retamar at Adrian Villados at libero Josh Ybañez.
“They’re doing fine so far; we’re hoping for a good result, especially since we’ll finally have a complete lineup,” sabi ni Alas Men team manager Ronwald Dimaculangan
Matapos ang South Korea, sunod na lalabanan ng Alas Men ang China bukas at ang Chinese-Taipei sa Martes sa parehong oras at venue.
Target ng Iran ang ikaapat na sunod na Asiad gold medal.
Nauna nang nagtapos ang kampanya ng Alas Women ni Japanese coach Taka Minowa sa women’s division sa pag-upo sa ninth place.
- Latest
