Pakagat ni Calvin
Ibang klase mag-negotiate si Calvin Abueva para ma-renew ang kontrata niya sa Converge.
Nag-announce siya ng retirement.
Anya, dehins na siya makikita ng mga fans niya next year dahil mapapaso na ang kontrata niya next month.
True or false?
Sa tingin ko, false. Dahil unang-una, kaya pang maglaro ni Calvin.
At kahit na 39 na siya sa February, malakas pa ang katawan ng player na tubong Angeles City, Pampanga.
May asim pa. At may angas pa.
Isa pa din si Calvin sa biggest draws sa PBA. Main attraction. Lahat ng galaw, inaabangan ng fans.
At ng Commissioner’s Office.
Kelan lang, nahatulan na naman siya ng fine dahil sa “dirty finger” sa game kontra Rain or Shine.
Thrown out siya sa game. Pero wagi dahil pumasok ang Converge sa semis ng Governors’ Cup.
First semis stint ng Converge sa PBA kaya masaya si coach Delta Pineda na, ayon sa Spin.ph, nagsabing dehins nila papakawalan si Calvin.
“We will renew him,” sabi ni Gob.
- Latest



















