Rider todas sa pagsalpok sa poste

MANILA, Philippines — Isang 30-anyos na lalaki ang nasawi matapos bumangga sa poste ng kuryente ang minamaneho nitong motorsiklo sa Brgy. Matalava, Lingayen ng lalawigang ito nitong Martes, November 12.

Ayon sa mga otoridad, ang biktima ay may-asawa, residente ng Hacienda Bugallon, Pangasinan.

Sa ulat, minamaneho ng biktima ang kulay pulang Rusi motorcycle at patungong timog na direksyon sa barangay road sa naturang lugar. Nabatid na walang suot na helmet at amoy alak din ang una.

Pagsapit sa pinangyarihan ng insidente ay bumangga ang motorsiklo nito sa poste ng kuryente.