^

Banat Balita

Paggamit og modernong teknolohiya gikonsidera sa Cebu City

Preciosa L. Bacalso - Banat

CEBU, Philippines — Gikonsidera sa kagamhanan sa Dakbayan sa Sugbo ang paggamit og mas modernong teknolohiya sa pagmonitor sa baha ug mas episyenteng pamaagi sa pagbakwit aron mapalig-on ang kaandam sa panahon sa kalamidad.

Nakaamgo si Mayor Nestor Archival nga kuwang ang kapasidad sa siyudad sa pagtubag sa emerhensiya human nasinati ang bagyong Tino sa niaging tuig.

Giangkon ni Archival nga walay bisan unsa nga kagamhanan ang andam sa dakong kadaot nga ipabilin sa kalagman.

Apan gipaningkamutan sa kagamhanan nga mailhan ang mga butang nga kinahanglan pa’ng palambuon aron mas paspas ang pagtubag emerhensiya base sa ilang kasinatian sa mga bagyo.

Lakip sa mga gisugyot nga lakang ang pakigtambayayong sa mga silinga’ng lokal nga kagamhanan apil ang Lungsod sa Liloan ug Dakbayan sa Mandaue alang sa pagkuha og mga sensor o sensing device nga makamatikod sa dagkong gidaghanon sa tubig nga nagdagayday paingon sa mga komunidad sa ubos nga bahin sa sapa.

Ang maong teknolohiya makasubay sa pagsaka sa lebel sa tubig sa mga sapa ug makahatag og sayo nga pahimangno sa mga residente ug emergency responders sa dili pa moabot ang baha sa mga lugar nga daghang nagpuyo.

Palig-onon usab sa siyudad ang mga kahimanan alang sa emerhensiya ug lakip ang kapasidad sa mga personnel aron mas epektibo sila’ng makatubag sa mga kalamidad ilabi na sa pagbaha.

Apan, gipadayag sa mayor nga dili igo ang modernong kagamitan ug maayong sestema sa pagtubag kon walay kooperasyon gikan sa mga residente ilabi na kadtong nagpuyo daplin sa sapa ug kabaybayonan.

Gipadayag ni Archival nga usa sa dagkong leksiyon nga nakuha gikan sa bagyong Tino mao ang kalangan sa pagbakwit sa mga residente hangtud nga nisaka na ang tubig. BDB BANAT NEWS

NESTOR ARCHIVAL

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with