Jokic may triple-double sa panalo ng Nuggets

DENVER — Kumo­lek­ta si Nikola Jokic ng 32 points, 11 assists at 10 re­bounds para s akanyang ikatlong triple-double sa season sa 128-109 pag­rapido ng Nuggets sa To­ronto Raptors.

Anim pang players ng Denver (4-3) ang umiskor ng double figures sa pamumuno ni rookie for­ward Bryce Hopkins na nagtala ng career-high 18 points.

Nag-ambag si Aaron Gordon ng 17 points at may 14 markers si Jamal Murray.

Umiskor si RJ Barrett ng 22 points sa panig ng Toronto (4-4) na nakahugot kay Scottie Barnes ng 17 points, anim na re­­bounds, anim na assists at tatlong steals.

Mula sa 64-67 halftime deficit ay kumamada ang Nuggets ng 41 points sa kabuuan ng third period kasabay ng paglimita sa Raptors sa 15 markers.

Itinayo ng Denver ang isang 23-point lead pa­pa­sok sa fourth quarter na hindi na napababa ng To­ronto.

Sa iba pang laro, pana­lo ang Philadelphia 76ers sa Detroit Pistons, 112-106; wagi ang Atlanta Hawks sa Washington Wi­zards, 120-105; tinalo ng Boston Celtics ang Mil­­waukee Bucks, 109-102; at dinaig ng Brooklyn Nets ang Charlotte Hor­nets, 114-104.