Jaguars, Warriors maka-kaduha kaha?
CEBU, Philippines — Nagtinguha ang University of San Jose-Recoletos (USJ-R) Jaguars ug ang University of San Carlos (USC) Warriors nga mausab ang ilang nakamadang kadaogan batok sa tagsa-tagsa nila ka kaatbang sa Cebu Schools Athletic Foundation, Inc. (CESAFI) Season 26 basketball tournament karong adlawa (Sabado, Oktobre 31) sa Cebu Coliseum.
Makaatubang sa Jaguars ang University of Cebu Lapu-Lapu and Mandaue (UCLM) Webmasters alas 5 p.m. sa main game, samtang ang University of San Carlos (USC) Warriors kombatihon ang University of the Philippines (UP) Cebu Fighting Maroons sa third game alas 3:30 p.m.
Una nang nakadaog ang USJ-R batok sa UCLM, 75–46, samtang ang USC gilupig ang UP Cebu, 54-46, sa ilang unang panagsangka sa niaging bulan. Ang Warriors nagtabla sa third place sa college division standings kauban ang Cebu Institute of Technology-University (CIT-U) Wildcats, sa pareho nilang 6-4 win-loss records.
Samtang ang Jaguars naghupot og 5-4 card, samtang UCLM nakaposte og 3-7.
Sa juniors division, ang reigning five-peat champions Sacred Heart School-Ateneo de Cebu (SHS-AdC) Magis Eagles naniguro nga dili mabuak ang ilang walay pilding record sulod sa pito ka duwa ini og ilang makasangka ang 2-6 San Carlos School of Cebu (SCSC) Baby Warriors sa 10:30 a.m. opener.
Ang University of the Visayas (UV) Baby Lancers ug Cebu Eastern College (CEC) Dragons nga parehong naghupot og 3-4 records, magsangka pud sa second second game sa 12:30 sa udto. Samtang ang 2-4 San Roque College de Cebu (SRCDC) Greyhounds makigtigi sa 1-5 University of Southern Philippines Foundation (USPF) Baby Panthers sa alas- 2 sa hapon p.m. — EBV
- Latest
