Mamahimo bang pabayran sa empliyado ang uniform ug mga protective equipment?

Dear Atty. Divine,

Nadawat ko og trabaho sa usa ka construction company og gikatakda ko nga mosugod na sa  pagtrabaho sa sunod buwan. Apan gisultian ko sa HR nga kinahanglan magsul-ob gyud og company uniform og mogamit og mga personal protective equipment kon motrabaho for safety purposes. Ang akong pangutana, kon ako ba dapat ang mopalit or mobayad sa uniform og sa mga protective equipment nga akong gamiton? Daghang salamat. -- Joshua

* * *

Dear Joshua,

Basi sa Department of Labor and Employment, Labor Advisory No. 11, Series of 2014, ang mga company uniforms lakip na ang mga related items sama sa Personal Protective Equipment dili kana obligasyon sa empliyado kondili ang employer or company ang dapat mo provide niana ngadto sa ilang mga kawani. Buot ipasabot nga ang mga kompaniya dili mamahimo nga ilang ipa deduct sa sweldo sa mga empliyado ang mga uniforms og mga protective equipment kay makonsiderar kana nga unauthorized deduction basi sa Article 113 sa atong Labor Code. Busa kon ikaw gani ang pabayron sa imong uniform og mga protective gear, mamahimo ka nga moreklamo niini kay ang employer dili mamahimong mopasa ngadto sa iyang empliyado sa mga gastuhan sa kagamitan nga gikinahanglan sa operasyon sa iyang kompaniya. Thank you and God Bless! -- Atty. Divine

* * *

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo