EDITORYAL - Buwak-buwak ra si PBBM sa BRICS?

Sa miaging semana, naay mga nanggawas nga mga post sa social media bahin sa pagtambong ni Presidente Ferdinand Marcos Jr. didto sa panagtigum sa  ika- 18th BRICS Summit sa New Delhi, India.

Klase-klase ang mga posts, naay mga positibong komento apan apil sab ani ang mga posts sa mga kritiko ni Marcos.

Apan ang mga dili maayong gipakatap nga post bahin sa BRICS mao ang hulagway sa mga lider sa mga nasud nga miyembro o state-partners sa maong organisasyon nga wala si Marcos.

Makita didto sa hulagway ang 11 ka mga lider sa mga full member countries sama sa Brazil, Russia, China, Egypt, Ethiopia, India, Indonesia, Iran, Russia, Saudi Arabia, South Africa ug United Arab Emirates (UAE).

Naa say napulo ka official partners nga walay voting rights, kini ang mga nasud sa Belarus, Bolivia, Cuba, Kazakhstan, Malaysia, Nigeria, Thailand, Uganda, Uzbekistan ug Vietnam.

Gibiay-biayan ug gitamay si PBBM sa mga posts kay wala daw kini gipaapil o gipapahawa sa pagpahulagway kauban ang mga lider kay dili daw siya importante.

Una sa tanan, dili miyembro ang Pilipinas sa BRICS, dili sab kini partner country sa maong organisasyon nga unang gimugna sa China ug Russia.

Sa miaging semana, naay mga nanggawas nga mga post sa social media bahin sa pagtambong ni Presidente Ferdinand Marcos Jr. didto sa panagtigum sa  ika- 18th BRICS Summit sa New Delhi, India.

Klase-klase ang mga posts, naay mga positibong komento apan apil sab ani ang mga posts sa mga kritiko ni Marcos.

Apan ang mga dili maayong gipakatap nga post bahin sa BRICS mao ang hulagway sa mga lider sa mga nasud nga miyembro o state-partners sa maong organisasyon nga wala si Marcos.

Makita didto sa hulagway ang 11 ka mga lider sa mga full member countries sama sa Brazil, Russia, China, Egypt, Ethiopia, India, Indonesia, Iran, Russia, Saudi Arabia, South Africa ug United Arab Emirates (UAE).

Naa say napulo ka official partners nga walay voting rights, kini ang mga nasud sa Belarus, Bolivia, Cuba, Kazakhstan, Malaysia, Nigeria, Thailand, Uganda, Uzbekistan ug Vietnam.

Gibiay-biayan ug gitamay si PBBM sa mga posts kay wala daw kini gipaapil o gipapahawa sa pagpahulagway kauban ang mga lider kay dili daw siya importante.

Pero nag-unsa ra diay siya didto?  Ang presidente nitambong didto sa summit dili isip lider sa Pilipinas kondili isip lider sa 2026 Association of Southeast Asian Nations (ASEAN).

Wala siya niadto sa India para mopresentar sa iyang kaugalingon, kondili, opisyal siyang giimbitar isip lider sa ASEAN karong tuiga.

Sa mga yanong mga Pilipino nga wala mokuti-kuti sa ilang mabasa ug makita sa social media pagkakita  sa ilang mga posts, magtuo nga tinuod ang ilang mga gibutang nga caption.

Subo kaayo nga naay mga tawong dako og kayugot ngadto sa presidente, mangilad sa katawhang Pilipino gamit ang mga fake news diha sa social media ug wala maghunahuna sa implikasyon niini sa nasud.