Unsa nga dokumento ang i-execute kun solo ang Heir?

Dear Atty. Divine,

Ang akong mga ginikanan namatay na. Unang namatay ang akong papa ug misunod ang akong mama last year. Adunay properties nga gibilin ang akong parents og ako lang ang bugtong nilang anak. Ug wa silay gibilin nga Last Will and Testament. Titulado ang maong mga properties. Plano na unta nako nga iprocess ang pagtransfer sa mga title niini ngadto sa akong pangan, unsay mga dokumento nga angayan nakong andamon aron masugdan na ang pagprocess niini? Daghang salamat.

Venus

* * *

Dear Venus,

Kung ikaw lang ang nag-inusarang anak, ikaw ra sab ang maka inherit sa tanang kabilin sa imong parents. Ang una nimong buhaton aron masugdan na ang proseso sa pag-transfer sa estate sa imong parents mao ang pag-execute og Affidavit of Self-Adjudication nga diin naglatid sa mga properties nga kabilin sa imong mga ginikanan nga opisyal na nimong i-transfer sa imong pangan.

Kinahanglan nga notarized kining maong dokumento og human niini, imong i-submit sa BIR uban sa mga dokumento sa properties aron ipa-compute ang imong bayranan sa estate taxes. Ang BIR adunay listahan sa mga documents nga angayan nimo i-submit kanila. Once mabayran ang ang estate taxes og aduna nay Certificate Authorizing Registration imo nang sugdan ang pagprocess sa transfer sa tax declaration og sa mga titulo niini. Ang Register of Deeds og Assessor’s Office aduna sab silay list of requirements sa mga documents nga imong i-submit kanila aron ma-process ang transfer. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.