Tabang pangbyahe program sugdan karong Oktubre
CEBU, Philippines — Pormal nga gipaubos sa briefing ang mga Local Government Units (LGUs) sa tibuok probinsiya sa Sugbo kabahin sa rationalized bus stop locations alang sa Tabang PangByahe (TPB) Program sa dili pa kini sugdan karong buwan sa Oktubre.
Ang Cebu Provincial Government, pinaagi sa Provincial Planning and Development Office (PPDO), mipresentar ngadto sa traffic managers sa finalized stops alang sa duha ka provincial routes, ang Cebu IT Park sa Cebu City ngadto sa Danao City sa north ug sa Cebu South Bus Terminal ngadto sa Simala sa Sibonga.
Ang matag LGU subay sa maong mga corridors mohatag og tulo ka designated stops.
Naglakip sa mga LGUs mao ang Mandaue, Consolacion, Liloan, Compostela, ug Danao sa North.
Samtang sa South aduna usab sa Talisay, Minglanilla, Naga, San Fernando, Carcar, ug Sibonga.
Ang TPB Program unang gitanyag sa Capitol sa tunga tungang bahin ning tuig 2026 isip tubag sa nagka grabe nga problema sa transportasyon.
Dili sama sa unang libeng sakay, ang TPB usa ka gitukod nga subsidy program nga gipundohan og ?20 million gikan sa Department of Transportation (DOTr), nga dunay technical assistance gikan sa Land Transportation Franchising and Regulatory Board (LTFRB).
Ang subsidy ihatag ngadto sa mga piniliang bus operator, nga magtuman sa service standards sama sa organized loading and unloading, vehicle cleanliness, dependable trip schedules, ug estrikto nga no?standing?passenger policy.
Giklaro sa provincial government nga ang designated stops gitumong dili lang sa pagpaluag sa kadaghan sa mga sumasakay kundili aron pagtuman sa LTFRB modernization rules. — /MEL (BANAT NEWS)
- Latest
